2024-2025 ikasturtea, irakasle berriei ongi etorria

Datorren ikasturtera begira, irakasle berrientzat harrera egingo dugu. Irailak 2, astelehena, goizeko 9:00etan bilduko gara ikastolan, Erabilera Anitzeko Gelan. 

Ordura arte, ongi izan!

DBHko talde argazkiak

Udako oporrez GOZATU, DESKANTSATU eta INDARBERRITU! Irailean ikusiko dugu berriro ere elkar! Etapa berria hasiko duzuenoi, ilusio eta indarra izan ditzazuela! 

Sorkuntza digitaleko ikasleek eginiko talde argazkiak ikusgai dituzue bertan:

Ikasturteko azken astea

Aste honetan jarduera ezberdinak ospatu dira kurtsoa amaitzeko. Ekintzen artean gosari osasuntsua, Alemaniatik etorritako epai bereziarekin pintxo lehiaketa, zinema gelan, mahai jolasak, olinpiadak, futbito txapelketa, mendi irteera, herri kirolak, igerilekua  eta gamer gela izan ditugu.

Aspertzeko betarik gabe ibili dira gure ikasleak.

Ondo pasa uda!

Gosari osasuntsua ekintzako argazkiak ikusteko, sakatu hemen.

Pintxo lehiaketako argazkiak ikusteko, sakatu hemen.

 

Game Erauntsia - Gamer Gelak Urola Ikastola

Ekainaren 18 eta 20an, Game Erauntsia (euskal bideojokozaleen komunitatea) elkarteak Gamer Gela ekarri digu Urola Ikastolara.

Bertan, denetariko bideojokoak probatzeko aukera izan dute gure ikasleek: Dinasty feud, Minecraft, Pile Up!, Super Mario Bros, Super Mario 64, A Short Hike, Metroid zero mission, Kopanito, Super Mario Kart, Townscaper, 0 A.D… Hori bai, guzti-guztiak euskaraz!

Arrakasta itzela izan du eta maila guztietako ikasleak jo ta sua jardun dira taldean zein bakarka jolasean.

Game Erauntsia komunitateari buruz gehiago jakiteko, begiratu honako helbidea: gamerauntsia.eus.

Eta egunetik egunera hazten doan euskarazko bideojokoen zerrenda ikusteko berriz: KLIK

Ostiralean ordutegi berezia

Bihar, ekainaren 21a, ikasturtearen azken eguna da ikasleentzat eta ordutegi berezia izango dute: 12:00etatik 13:30etara. Bai etortzeko eta joateko  garraio zerbitzua egokitu da.